domingo, 28 de febrero de 2016

10 EN PISA - 0 EN HUMANIDADE


Xa se pode ter un sistema educativo punteiro e con moito éxito nas listas de PISA que se non formamos seres humanos capaces de ser solidarios e empáticos, en situación de aceptar, comprender e axudar ao distinto pouco senso tería ese exitoso sistema educativo.

Se fracasamos como humanos e non sabemos ou non queremos axudar ao irmán ou vemos no outro a un estranxeiro que non ten un lugar na nosa casa de nada nos serve un exitoso e monstruoso sistema educativo.

Por eso, sorpréndeme moito a actitude e a postura dos países nórdicos (Finlandia, Dinamarca, Suecia, Noruega) diante das desgrazas dos inmigrantes sirios, afganos e doutras nacionalidades que tratan de buscar unha vida mellor na rica e educada Europa.

Todos os europeos deixamos moito que desexar, sendo despreciables e inhumanos diante da traxedia que están a padecer tantos seres humanos. É o maior fracaso de Europa (unha Europa vella, que se está a destruír ela mesma sen líderes valentes, humanos e carismáticos, cunha poboación, en termos xerais, egoísta e materialista, que non sabe mirar máis alá). Síntome avergoñado e triste diante de tan lamentable e inxusta situación). Os españois tamén fomos emigrantes e exiliados en terras estrañas.

Para min todo esto constitúe o fracaso da nosa sociedade, fracaso dos nosos sistemas educativos, fracaso de nós mesmos como persoas, non merecemos o título de humanos. Temos que cambiar, transformarnos; a educación que propoñen algúns non é tal, é deformación educativa, unha vez máis: "homes máquina, con corazóns de máquinas", que mágoa de século XXI!

sábado, 20 de febrero de 2016

TIC, ACOSO ESCOLAR, PLANES DE CONVIVENCIA


Dentro dun ciclo de conferencias organizadas pola Concellería de Educación do Concello de Vilagarcía de Arousa, que coordina o Concelleiro Miro Serén, o martes, 23, ás 20:00 h., na sala de conferencias do Auditorio Municipal, disertarei sobre o Acoso Escolar, tristemente posto de relevo por algúns últimos acontecementos reflectidos pola prensa.

Non cabe dúbida que as víctimas de acoso escolar sufren tremendamente e lles ocasiona ter secuelas e padecementos moi traumatizantes e indesexables. Hai que protexer sobre todo ás víctimas e paliar e evitar os seus padecementos. E os acosadores deben ser sancionados como se merecen. A min paréceme un paradoxo e unha inxusticia (un dobre castigo) que as víctimas sexan as que teñan que trasladarse de centro, deberían ser os acosadores os expulsados. Agás que a contorna física fose insoportable para as víctimas e non se topasen cómodas no centro. Pero, aínda así, os acosadores deberían abandonar o centro e recibir unha sanción exemplar para facerlles ver que o seu comportamento é intolerable.

Non obstante, sempre é mellor a prevención e tratar de resolver os conflictos pacificamente. Ensinarlle ao alumnado a convivir civilizadamente e a utilizar á razón, para ter verdadeiramente comportamentos humanos.
Hai que evitar que se produza o acoso escolar e distinguir acoso do que non é. Distinguir que o acoso é unha acción sistemática e intencionada para facerlle mal a unha persoa. Non confundir un incidente aillado, unha pelexa escolar puntual, que hai que atallar e frear. Na escola, lugar de ensino-aprendizaxe, acubillo do saber e do coñecemento non teñen lugar a violencia e os comportamentos inhumanos, humillantes; non se poden permitir, tolerancia cero con todo tipo de violencia, sexa verbal, física, moral, de aillamento social. Nun centro educativo non cabe un acosador. Hai que poñer todos os medios, hai que estar moi vixilantes para que o acoso non teña lugar. Un centro educativo non é un sitio de sufrimento, todo o contrario, é un espazo de goce por saber, por descubrir, por aprender. Un lugar de convivencia cos compañeiros e cos profesores para educármonos e ser cada vez mellores persoas, cun corazón humano, cheo de respecto para con todos e para buscar a ledicia de compartir o coñecemento para construir un mundo mellor, onde todos teñamos un lugar para crecer e desenvolvernos como persoas felices con alegría de vivir. Tolerancia cero co acoso escolar, non ten cabida nos nosos centros.

Tratarei na miña charla de motivar o diálogo e a participación para chegar a conclusión de que hai que desbotar o acoso escolar e facer tarefas de prevención na casa e na escola. Seguirei o seguinte guión:

1.- Pequeno audiovisual motivador e para a reflexión (Todos somos distintos, debemos prepararnos para a aceptación de todos).

2.- Exposición, mediante a axuda dunha presentación.

3.- Conclusións.

(En todos os pasos da charla se pode dialogar, preguntar, expoñer, participar).

jueves, 11 de febrero de 2016

LVI MESA DAS VERBAS - CENTRO COMERCIAL AROUSA - 13 DE FEBREIRO-19:30 H.


Este sábado, véspera de San Valentín, uns amantes da poesía e da música, ceibarán os seus amorosos versos e as románticas notas musicais ao ar nun clima de amizade e de goce artístico.

Vinde todos ao Centro Comercial Arousa este sábado ás 19:30 h.!